taqdir ke aage kabhi tadbir kisi ki
Interesting Fact
February 1931
taqdīr ke aage kabhī tadbīr kisī kī
chaltī ho to samjhe koī taqsīr kisī kī
ab ek tamannā ho to puurī koī kar de
yuuñ kaun badal saktā hai taqdīr kisī kī
dil meñ utar aa.ī hai nigāhoñ se simaT kar
kis darja hayā-kosh hai tasvīr kisī kī
vo aa.eñ na aa.eñ mujhe niiñd aa nahīñ saktī
suntā hī nahīñ nāla-e-shab-gīr kisī kī
barsāt kā ik ḳhvāb hai mustaqbil-e-tārīk
bikhrī huī sī zulf-e-girah-gīr kisī kī
allāh ye tārīk fazā.eñ ye ghaTā.eñ
ye barq-e-ḳhayālāt meñ tasvīr kisī kī
āñkheñ mirī āñkheñ haiñ zahe joshish-e-girya
dhul dhul ke nikhar aa.ī hai tasvīr kisī kī
'tālib' tire jazbāt kī tashrīh to kar duuñ
Dar hai kabhī ho jaa.e na tash.hīr kisī kī
taqdir ke aage kabhi tadbir kisi ki
chalti ho to samjhe koi taqsir kisi ki
ab ek tamanna ho to puri koi kar de
yun kaun badal sakta hai taqdir kisi ki
dil mein utar aai hai nigahon se simaT kar
kis darja haya-kosh hai taswir kisi ki
wo aaen na aaen mujhe nind aa nahin sakti
sunta hi nahin nala-e-shab-gir kisi ki
barsat ka ek KHwab hai mustaqbil-e-tarik
bikhri hui si zulf-e-girah-gir kisi ki
allah ye tarik fazaen ye ghaTaen
ye barq-e-KHayalat mein taswir kisi ki
aankhen meri aankhen hain zahe joshish-e-girya
dhul dhul ke nikhar aai hai taswir kisi ki
'talib' tere jazbaat ki tashrih to kar dun
Dar hai kabhi ho jae na tashhir kisi ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
