taqsir kya hai hasrat-e-didar hi to hai

taqsīr kyā hai hasrat-e-dīdār hī to hai

pādāsh us kī husn kā pindār hī to hai

kyā pūchhte ho merā fasāna nayā nahīñ

kyā dekhte ho ishq sar-e-dār hī to hai

band-e-qabā chaTaktā huā ġhuncha-e-gulāb

pahlū-e-yār nik.hat-e-gulzār hī to hai

ham-sā.egī meñ us kī hai kyā lutf in dinoñ

lekin ye lutf-e-sāya-e-dīvār hī to hai

ai bāġhbāñ ba-nām-e-bahārāñ na chheḌ use

gulzār meñ muhāfiz-e-gul ḳhaar hī to hai

sāz-e-hayāt ham-nafaso ḳhuub hai magar

kab TuuT jaa.e saañs kā ik taar hī to hai

maiñ tañg huuñ sukūn se ab iztirāb de

be-intihā sukūn bhī āzār hī to hai

ḳhud jis meñ kuchh na paayā na auroñ ko kuchh diyā

fil-asl aisī zindagī bekār hī to hai

taqsir kya hai hasrat-e-didar hi to hai

padash us ki husn ka pindar hi to hai

kya puchhte ho mera fasana naya nahin

kya dekhte ho ishq sar-e-dar hi to hai

band-e-qaba chaTakta hua ghuncha-e-gulab

pahlu-e-yar nikhat-e-gulzar hi to hai

ham-saegi mein us ki hai kya lutf in dinon

lekin ye lutf-e-saya-e-diwar hi to hai

ai baghban ba-nam-e-bahaaran na chheD use

gulzar mein muhafiz-e-gul KHar hi to hai

saz-e-hayat ham-nafaso KHub hai magar

kab TuT jae sans ka ek tar hi to hai

main tang hun sukun se ab iztirab de

be-intiha sukun bhi aazar hi to hai

KHud jis mein kuchh na paya na auron ko kuchh diya

fil-asl aisi zindagi bekar hi to hai