tar hua dida-e-bina to ghazal bolegi

tar huā dīda-e-bīnā to ġhazal bolegī

paikar-e-dard jo simTā to ġhazal bolegī

itnī 'ujlat meñ nahīñ chaltā suḳhan kā jaadū

tum kabhī ġhaur se sunñā to ġhazal bolegī

ek ik she'r khilegā to khileñgī ġhazleñ

falsafa she'r meñ hogā to ġhazal bolegī

mere lahje se pareshānī hai tujh ko sun le

maiñ jo ḳhāmosh rahūñgā to ġhazal bolegī

soch par qabza hai shohrat kā to bole kaise

rang ḳhalvat kā chaḌhegā to ġhazal bolegī

tar hua dida-e-bina to ghazal bolegi

paikar-e-dard jo simTa to ghazal bolegi

itni 'ujlat mein nahin chalta suKHan ka jadu

tum kabhi ghaur se sunna to ghazal bolegi

ek ek she'r khilega to khilengi ghazlen

falsafa she'r mein hoga to ghazal bolegi

mere lahje se pareshani hai tujh ko sun le

main jo KHamosh rahunga to ghazal bolegi

soch par qabza hai shohrat ka to bole kaise

rang KHalwat ka chaDhega to ghazal bolegi