tark-e-mohabbat apni KHata ho aisa bhi ho sakta hai
tark-e-mohabbat apni KHata ho aisa bhi ho sakta hai
Malikzaada Manzoor Ahmad
MORE BYMalikzaada Manzoor Ahmad
tark-e-mohabbat apnī ḳhatā ho aisā bhī ho saktā hai
vo ab bhī pāband-e-vafā ho aisā bhī ho saktā hai
darvāze par aahaT sun kar us kī taraf kyuuñ dhyān gayā
aane vaalī sirf havā ho aisā bhī ho saktā hai
hāl-e-pareshāñ sun kar merā aañkh meñ us kī aañsū haiñ
maiñ ne us se jhuuT kahā ho aisā bhī ho saktā hai
arz-e-talab par us kī chup se zāhir hai inkār magar
shāyad vo kuchh soch rahā ho aisā bhī ho saktā hai
hadd-e-nazar tak sirf dhuāñ thā barq pe kyuuñ ilzām rakheñ
ātish-e-gul se baaġh jalā ho aisā bhī ho saktā hai
ḳhuun bahānā us kā sheva hai to sahī 'manzūr' magar
haath pe us ke rañg-e-hinā ho aisā bhī ho saktā hai
tark-e-mohabbat apni KHata ho aisa bhi ho sakta hai
wo ab bhi paband-e-wafa ho aisa bhi ho sakta hai
darwaze par aahaT sun kar us ki taraf kyun dhyan gaya
aane wali sirf hawa ho aisa bhi ho sakta hai
haal-e-pareshan sun kar mera aankh mein us ki aansu hain
main ne us se jhuT kaha ho aisa bhi ho sakta hai
arz-e-talab par us ki chup se zahir hai inkar magar
shayad wo kuchh soch raha ho aisa bhi ho sakta hai
hadd-e-nazar tak sirf dhuan tha barq pe kyun ilzam rakhen
aatish-e-gul se bagh jala ho aisa bhi ho sakta hai
KHun bahana us ka shewa hai to sahi 'manzur' magar
hath pe us ke rang-e-hina ho aisa bhi ho sakta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
