tark-e-talluqat karunga main aaj se

tark-e-ta'alluqāt karūñgā maiñ aaj se

'ājiz maiñ aa gayā huuñ tumhāre mizāj se

laḳht-e-jigar nisār kareñ aur deñ jahez

koī bhī baap ḳhush nahīñ aise rivāj se

parvardigār-e-arz-o-samā merī jaan le

parvardigār tang huuñ tere samāj se

shā'ir haiñ she'r kahnā faqat hai hamārā kaam

kyā ham ko vāsta hai tire taḳht-o-tāj se

'izzat usī ko detā hai jis kā rusūḳh ho

mujh ko isī liye hai shikāyat samāj se

'afnān' apnī baat pe yak-rang tum raho

ik roz tang aa.egā vo ehtijāj se

tark-e-ta'alluqat karunga main aaj se

'ajiz main aa gaya hun tumhaare mizaj se

laKHt-e-jigar nisar karen aur den jahez

koi bhi bap KHush nahin aise riwaj se

parwardigar-e-arz-o-sama meri jaan le

parwardigar tang hun tere samaj se

sha'ir hain she'r kahna faqat hai hamara kaam

kya hum ko wasta hai tere taKHt-o-taj se

'izzat usi ko deta hai jis ka rusuKH ho

mujh ko isi liye hai shikayat samaj se

'afnan' apni baat pe yak-rang tum raho

ek roz tang aaega wo ehtijaj se