tark-e-talluq kaise hua tha ab to kuchh bhi yaad nahin

tark-e-ta.alluq kaise huā thā ab to kuchh bhī yaad nahīñ

dil ne ye sadma kaise sahā thā ab to kuchh bhī yaad nahīñ

jab jab tum se milnā chāhā jab jab tum ko yaad kiyā

vo lamha kaise guzrā thā ab to kuchh bhī yaad nahīñ

nahr kināre dhīre dhīre shaam kī devī utrī thī

chāñd ne ham se kyā pūchhā thā ab to kuchh bhī yaad nahīñ

phuul sā chehra taarā āñkheñ kaalī zulfeñ ḳhvāb huiiñ

mere dil meñ kaun basā thā ab to kuchh bhī yaad nahīñ

jīvan kī rāhoñ meñ ab ye saath nibhānā mushkil hai

ham ne tum se kaise kahā thā ab to kuchh bhī yaad nahīñ

tark-e-talluq kaise hua tha ab to kuchh bhi yaad nahin

dil ne ye sadma kaise saha tha ab to kuchh bhi yaad nahin

jab jab tum se milna chaha jab jab tum ko yaad kiya

wo lamha kaise guzra tha ab to kuchh bhi yaad nahin

nahr kinare dhire dhire sham ki dewi utri thi

chand ne hum se kya puchha tha ab to kuchh bhi yaad nahin

phul sa chehra tara aankhen kali zulfen KHwab huin

mere dil mein kaun basa tha ab to kuchh bhi yaad nahin

jiwan ki rahon mein ab ye sath nibhana mushkil hai

hum ne tum se kaise kaha tha ab to kuchh bhi yaad nahin