tark kar apne nang-o-nam ko hum

tark kar apne nañg-o-nām ko ham

jaate haiñ vaañ faqat salām ko ham

ḳhum ke ḳhum to luḌhā.ī yuuñ saaqī

aur yuuñ tarseñ ek jaam ko ham

maiñ kahā maiñ ġhulām huuñ bolā

jāneñ haiñ ḳhuub is ġhulām ko ham

dair o ka.aba ke biich haiñ hañste

ḳhalq ke dekh izhdihām ko ham

mutakallim haiñ ḳhaas logoñ se

karte haiñ kab ḳhitāb aam se ham

rūThne meñ bhī lutf hai 'inshā'

sub.h gar rūThe vo to shaam ko ham

tark kar apne nang-o-nam ko hum

jate hain wan faqat salam ko hum

KHum ke KHum to luDhai yun saqi

aur yun tarsen ek jam ko hum

main kaha main ghulam hun bola

jaanen hain KHub is ghulam ko hum

dair o kaba ke bich hain hanste

KHalq ke dekh izhdiham ko hum

mutakallim hain KHas logon se

karte hain kab KHitab aam se hum

ruThne mein bhi lutf hai 'insha'

subh gar ruThe wo to sham ko hum