tark KHwahish-e-zar kar kimiya-gari ye hai
tark ḳhvāhish-e-zar kar kīmiyā-garī ye hai
dil meñ rakh ḳhayāl-e-dost shīsha-o-parī ye hai
dekh ho ga.ī nargis baaġh meñ tujhe hairāñ
shoḳh-chashm jādūgar terī sāhirī ye hai
zulf terī afsūñ-gar chashm terī pur-jādū
vo hai sehr-e-bangāla sehr-e-sāmrī ye hai
mere aah bharne par shab ko tū jo hañstā hai
vo ajab havā.ī hai zor-e-phuljhaḌī ye hai
saal tab the pal jaise aan ab qaran sī hai
vasl ke baras vo the hijr kī ghaḌī ye hai
māh-rū ke kānoñ meñ goshvāre raḳhshāñ haiñ
dekh 'ishq' vo zohra aur mushtarī ye hai
tark KHwahish-e-zar kar kimiya-gari ye hai
dil mein rakh KHayal-e-dost shisha-o-pari ye hai
dekh ho gai nargis bagh mein tujhe hairan
shoKH-chashm jadugar teri sahiri ye hai
zulf teri afsun-gar chashm teri pur-jadu
wo hai sehr-e-bangala sehr-e-samri ye hai
mere aah bharne par shab ko tu jo hansta hai
wo ajab hawai hai zor-e-phuljhaDi ye hai
sal tab the pal jaise aan ab qaran si hai
wasl ke baras wo the hijr ki ghaDi ye hai
mah-ru ke kanon mein goshware raKHshan hain
dekh 'ishq' wo zohra aur mushtari ye hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
