tarz-e-izhaar mein koi to naya-pan hota

tarz-e-iz.hār meñ koī to nayā-pan hotā

dard rañgīn badan shīshe kā bartan hotā

kis liye roz badaltā huuñ maiñ malbūs nayā

aisā kachchā to na us naqsh kā roġhan hotā

pair kamre se nikāle to maiñ bāzār meñ thā

hai ye hasrat ki mire ghar kā bhī āñgan hotā

aañch mil jaatī jo kuchh aur to jauhar khulte

tum jise raakh samajhte ho vo kundan hotā

kuchh zamīñ kī hai ye tāsīr ki chehre haiñ hasīñ

shahr gar shahr na hotā koī gulshan hotā

maiñ bhaTaktā na kabhī raat kī tārīkī meñ

aise sunsān meñ ghar thā to vo raushan hotā

tarz-e-izhaar mein koi to naya-pan hota

dard rangin badan shishe ka bartan hota

kis liye roz badalta hun main malbus naya

aisa kachcha to na us naqsh ka roghan hota

pair kamre se nikale to main bazar mein tha

hai ye hasrat ki mere ghar ka bhi aangan hota

aanch mil jati jo kuchh aur to jauhar khulte

tum jise rakh samajhte ho wo kundan hota

kuchh zamin ki hai ye tasir ki chehre hain hasin

shahr gar shahr na hota koi gulshan hota

main bhaTakta na kabhi raat ki tariki mein

aise sunsan mein ghar tha to wo raushan hota