tasawwur mein bahut kin anjuman-araiyan humne

tasavvur meñ bahut kiiñ anjuman-ārā.iyāñ ham ne

salīqe se guzārīñ is tarah tanhā.iyāñ ham ne

ajab kyā hai jo tum ne vaqt kī añgḌā.iyāñ dekhīñ

badal Daalī haiñ aksar vaqt kī añgḌā.iyāñ ham ne

vahīñ par aaj shor-e-nāla-o-shevan bapā dekhā

jahāñ dekhī thiiñ kal bajtī huī shahnā.iyāñ ham ne

hazāroñ kulfateñ thiiñ zindagī kī raah meñ lekin

na paḌne diiñ ġham-o-ālām kī parchhā.iyāñ ham ne

'habāb' is daur-e-pur-āshob meñ qadr-e-hunar kyā ho

samo kar garche rakh diiñ sher meñ gahrā.iyāñ ham ne

tasawwur mein bahut kin anjuman-araiyan hum ne

saliqe se guzarin is tarah tanhaiyan hum ne

ajab kya hai jo tum ne waqt ki angDaiyan dekhin

badal Dali hain aksar waqt ki angDaiyan hum ne

wahin par aaj shor-e-nala-o-shewan bapa dekha

jahan dekhi thin kal bajti hui shahnaiyan hum ne

hazaron kulfaten thin zindagi ki rah mein lekin

na paDne din gham-o-alam ki parchhaiyan hum ne

'habab' is daur-e-pur-ashob mein qadr-e-hunar kya ho

samo kar garche rakh din sher mein gahraiyan hum ne