tasbih o sajda-gah bhi sajda bhi mast mast

Javed Saba

tasbih o sajda-gah bhi sajda bhi mast mast

Javed Saba

MORE BYJaved Saba

    tasbīh o sajda-gāh bhī sajda bhī mast mast

    qibla bhī mast mast hai kaaba bhī mast mast

    qatra bhī apnī mauj meñ dajla bhī mauj meñ

    dariyā bhī mast mast hai sahrā bhī mast mast

    ḳhurshīd o māhtāb bhī zarra bhī be-dimāġh

    adnā o past o arfā o aalā bhī mast mast

    merā vajūd aur vajūd-e-adam bhī mast

    pinhāñ bhī mast mast hai paidā bhī mast mast

    ā.īna aks aur pas-e-ā.īna bhī mast

    poshīda mast-e-ḳhvāb huvaidā bhī mast mast

    aalī janāb qibla-o-kāba huzūr-e-man

    maiñ nahīñ huuñ qibla-o-kāba bhī mast mast

    sāġhar surāhī jaam pyāla bhī mast mast

    saaqī bhī mast mast hai sahbā bhī mast mast

    yaḳh-bastagī bhī mast hai aur āh-e-sard bhī

    chiñgārī aag aag shola bhī mast mast

    ai be-ḳhudī salām tujhe terā shukriya

    duniyā bhī mast mast hai uqbā bhī mast mast

    kuchh terī madh bharī huī āñkheñ bhī mast haiñ

    kuchh un ke saath saath zamāna bhī mast mast

    tasbih o sajda-gah bhi sajda bhi mast mast

    qibla bhi mast mast hai kaba bhi mast mast

    qatra bhi apni mauj mein dajla bhi mauj mein

    dariya bhi mast mast hai sahra bhi mast mast

    KHurshid o mahtab bhi zarra bhi be-dimagh

    adna o past o arfa o aala bhi mast mast

    mera wajud aur wajud-e-adam bhi mast

    pinhan bhi mast mast hai paida bhi mast mast

    aaina aks aur pas-e-aina bhi mast

    poshida mast-e-KHwab huwaida bhi mast mast

    aali janab qibla-o-kaba huzur-e-man

    main hi nahin hun qibla-o-kaba bhi mast mast

    saghar surahi jam pyala bhi mast mast

    saqi bhi mast mast hai sahba bhi mast mast

    yaKH-bastagi bhi mast hai aur aah-e-sard bhi

    chingari aag aag ka shola bhi mast mast

    ai be-KHudi salam tujhe tera shukriya

    duniya bhi mast mast hai uqba bhi mast mast

    kuchh teri madh bhari hui aankhen bhi mast hain

    kuchh un ke sath sath zamana bhi mast mast

    RECITATIONS

    Javed Saba

    Javed Saba

    Javed Saba

    tasbih o sajda-gah bhi sajda bhi mast mast Javed Saba

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY