tasbih un ke nam ki paDhte hain aam KHas

tasbīh un ke naam kī paḌhte haiñ aam ḳhaas

rām-o-rahīm donoñ isī ke haiñ naam ḳhaas

apnā sā dil samajh ke kisī kā na toḌ dil

kahte haiñ is ko hai ye ḳhudā kā maqām ḳhaas

maiñ to burā nahīñ huuñ muqaddar burā sahī

lete haiñ kyoñ burā.ī se merā vo naam ḳhaas

jis ko vo chāhte haiñ vo achchhā hai har tarah

kuchh chiiz zāt-pāt na taḳhsīs-e-ām ḳhaas

sargoshiyāñ raqīb se kartā thā nāma-bar

us fitna-gar ne bhejā hai koī payām ḳhaas

va.ade pe rah na us but-e-vā'da-ḳhilāf ke

ai dil tū kar ke baiThā hai kyoñ intizām ḳhaas

har kaam apne qaabū talab karnā chāhiye

Daale ḳhudā kisī se bhī koī na kaam ḳhaas

har sher terā qābil-e-tārīf hai 'atā'

islāhī shaan rakhtā hai terā kalām ḳhaas

tasbih un ke nam ki paDhte hain aam KHas

ram-o-rahim donon isi ke hain nam KHas

apna sa dil samajh ke kisi ka na toD dil

kahte hain is ko hai ye KHuda ka maqam KHas

main to bura nahin hun muqaddar bura sahi

lete hain kyon burai se mera wo nam KHas

jis ko wo chahte hain wo achchha hai har tarah

kuchh chiz zat-pat na taKHsis-e-am KHas

sargoshiyan raqib se karta tha nama-bar

us fitna-gar ne bheja hai koi payam KHas

wade pe rah na us but-e-wa'da-KHilaf ke

ai dil tu kar ke baiTha hai kyon intizam KHas

har kaam apne qabu talab karna chahiye

Dale KHuda kisi se bhi koi na kaam KHas

har sher tera qabil-e-tarif hai 'ata'

islahi shan rakhta hai tera kalam KHas