tashkil badar ki hai kabhi hai hilal ki
tashkīl badar kī hai kabhī hai hilāl kī
duniyā hai ik shabīh urūj-o-zavāl kī
phūloñ se hai ladī huī har shāḳh-e-gulsitāñ
rakh lī ḳhudā ne aabrū dast-e-zavāl kī
jannat-farosh hūroñ ke dallāl ḳhirqa-posh
kyā pūchhte ho vā.iz-e-farḳhanda-fāl kī
in mah-vashoñ ko parde se bāhar nikāl ke
duniyā miTā.ī jaatī hai husn-o-jamāl kī
mujh ko milā hai vo dil be-mudda.ā 'sarīr'
jis ko ġham-e-firāq na hasrat visāl kī
tashkil badar ki hai kabhi hai hilal ki
duniya hai ek shabih uruj-o-zawal ki
phulon se hai ladi hui har shaKH-e-gulsitan
rakh li KHuda ne aabru dast-e-zawal ki
jannat-farosh huron ke dallal KHirqa-posh
kya puchhte ho waiz-e-farKHanda-fal ki
in mah-washon ko parde se bahar nikal ke
duniya miTai jati hai husn-o-jamal ki
mujh ko mila hai wo dil be-muddaa 'sarir'
jis ko gham-e-firaq na hasrat visal ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
