tashrif shab-e-wada jo wo lae hue hain

tashrīf shab-e-va.ada jo vo laa.e hue haiñ

sar ḳham hai nazar nīchī hai sharmā.e hue haiñ

ruḳh par jo siyah-zulf ko ko bikhrā.e hue haiñ

vo chaudhvīñ ke chāñd haiñ gahnā.e hue haiñ

phūloñ se sivā hai badan-e-pāk meñ ḳhushbū

kab itr lagāne se vo itrā.e hue haiñ

hammām meñ jaane ke liye kyā kahiye koī

vo to araq-e-sharm meñ nahlā.e hue haiñ

tashrif shab-e-wada jo wo lae hue hain

sar KHam hai nazar nichi hai sharmae hue hain

ruKH par jo siyah-zulf ko ko bikhrae hue hain

wo chaudhwin ke chand hain gahnae hue hain

phulon se siwa hai badan-e-pak mein KHushbu

kab itr lagane se wo itrae hue hain

hammam mein jaane ke liye kya kahiye koi

wo to araq-e-sharm mein nahlae hue hain