taswir meri hai aks tera tu aur nahin main aur nahin

tasvīr mirī hai aks tirā tū aur nahīñ maiñ aur nahīñ

kar ġhaur tū apne dil meñ zarā tū aur nahīñ maiñ aur nahīñ

tasbīh ne jis dam faḳhr kiyā dānoñ meñ vahīñ Dore ko dikhā

zunnār ne is rishte se kahā tū aur nahīñ maiñ aur nahīñ

is baaġh meñ tū ai barg-e-hinā hañsne pe mire zaḳhmoñ ke na jā

rone meñ lahū ḳhandāñ hoñ kyā tū aur nahīñ maiñ aur nahīñ

har ek javāhir besh-bahā chamkā to ye patthar kahne lagā

jo sañg tirā vo sañg mirā tū aur nahīñ maiñ aur nahīñ

ai 'shād' mirā putlā jo banā mil ātish-o-ḳhāk-o-āb-o-havā

har chaar anāsir ne ye kahā tū aur nahīñ maiñ aur nahīñ

taswir meri hai aks tera tu aur nahin main aur nahin

kar ghaur tu apne dil mein zara tu aur nahin main aur nahin

tasbih ne jis dam faKHr kiya danon mein wahin Dore ko dikha

zunnar ne is rishte se kaha tu aur nahin main aur nahin

is bagh mein tu ai barg-e-hina hansne pe mere zaKHmon ke na ja

rone mein lahu KHandan hon kya tu aur nahin main aur nahin

har ek jawahir besh-baha chamka to ye patthar kahne laga

jo sang tera wo sang mera tu aur nahin main aur nahin

ai 'shad' mera putla jo bana mil aatish-o-KHak-o-ab-o-hawa

har chaar anasir ne ye kaha tu aur nahin main aur nahin