tawil rasta hai hath tham lijiye

tavīl rāsta hai haath thaam lījiye

ki dil ke saath 'aql se bhī kaam lījiye

bahār meñ ḳhudā ko yaad kījiye bhī kyoñ

ḳhizāñ meñ par usī kā ḳhuub naam lījiye

agar davā-e-dard-e-dil hai mujh se guftugū

to aap is davā ko sub.h-o-shām lījiye

sanam se chaah merī kuchh na thī ba-juz vafā

shabāb par kahe ki lutf-e-'ām lījiye

munāfiqoñ kā faisla ḳhudā pe chhoḌiye

mu'āf kījiye na intiqām lījiye

ta'ām bhī hidāyatoñ kā phir na ho nasīb

na is qadar bhī lazzat-e-harām lījiye

hai jumbish-e-zabān kā ye zabt jab talak

ki tab talak to nain kā payām lījiye

bhale muhib ho laakh par usuul ye hai 'zān'

kisī kā apne sar na ittihām lījiye

tawil rasta hai hath tham lijiye

ki dil ke sath 'aql se bhi kaam lijiye

bahaar mein KHuda ko yaad kijiye bhi kyon

KHizan mein par usi ka KHub nam lijiye

agar dawa-e-dard-e-dil hai mujh se guftugu

to aap is dawa ko subh-o-sham lijiye

sanam se chah meri kuchh na thi ba-juz wafa

shabab par kahe ki lutf-e-'am lijiye

munafiqon ka faisla KHuda pe chhoDiye

mu'af kijiye na intiqam lijiye

ta'am bhi hidayaton ka phir na ho nasib

na is qadar bhi lazzat-e-haram lijiye

hai jumbish-e-zaban ka ye zabt jab talak

ki tab talak to nain ka payam lijiye

bhale muhib ho lakh par usul ye hai 'zan'

kisi ka apne sar na ittiham lijiye