tawil raat ho aisi kinare bhi na rahen

tavīl raat ho aisī kināre bhī na raheñ

hamāre saath meñ chalte sitāre bhī na raheñ

talāsh merī kisī rahguzar talak jaa.e

na jiit paa.e agar us ko haare bhī na raheñ

havā utaar badan merā aur chaman se nikal

le chal udhar ki jidhar ye nazāre bhī na raheñ

mujhe ujaaḌ chukī āñdhiyāñ palaT aa.iiñ

hai un ko fikr bhalā ham hamāre bhī na raheñ

jise hai jaanā chalā jaa.e umr bhar ke liye

ye roz roz ke 'tejas' ḳhasāre bhī na raheñ

tawil raat ho aisi kinare bhi na rahen

hamare sath mein chalte sitare bhi na rahen

talash meri kisi rahguzar talak jae

na jit pae agar us ko haare bhi na rahen

hawa utar badan mera aur chaman se nikal

le chal udhar ki jidhar ye nazare bhi na rahen

mujhe ujaD chuki aandhiyan palaT aain

hai un ko fikr bhala hum hamare bhi na rahen

jise hai jaana chala jae umr bhar ke liye

ye roz roz ke 'tejas' KHasare bhi na rahen