تیرا آنچل نہیں ہوتا ہے
تیرا آنچل نہیں ہوتا ہے
ابر بادل نہیں ہوتا ہے
بارشیں تو بہت ہوتی ہیں
دشت جل تھل نہیں ہوتا ہے
مستقل ہے یہ کیسی کمی
کچھ مکمل نہیں ہوتا ہے
زندگی جب تلک رہتی ہے
مسئلہ حل نہیں ہوتا ہے
صرف اس کے شجر ہوتے ہیں
صبر کا پھل نہیں ہوتا ہے
ایک جنگل نظر آنے سے
شہر جنگل نہیں ہوتا ہے
اس کو تفصیل سے پڑھتا ہوں
جو مفصل نہیں ہوتا ہے
بات کرتے ہیں صدیوں کی ہم
پاس اک پل نہیں ہوتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
