tera arman teri hasrat ke siwa kuchh bhi nahin
terā armāñ tirī hasrat ke sivā kuchh bhī nahīñ
dil meñ ab terī mohabbat ke sivā kuchh bhī nahīñ
zindagī mujh ko kahāñ le ke chalī aa.ī hai
duur tak sāya-e-zulmat ke sivā kuchh bhī nahīñ
har taraf phuul haqīqat ke khile haiñ lekin
aañkh meñ ḳhvāb-e-haqīqat ke sivā kuchh bhī nahīñ
yuuñ tire ġham meñ huuñ pāmāl ki lagtā hai mujhe
zindagī jaise aziyyat ke sivā kuchh bhī nahīñ
rah ga.ī dab ke mire dil hī meñ ummīd-e-visāl
ab malāl-e-shab-e-furqat ke sivā kuchh bhī nahīñ
baat kyā hai ki mire dostoñ ke hāthoñ meñ
sañg-e-dushnām-o-malāmat ke sivā kuchh bhī nahīñ
sher kahte ho to ye baat bhī nazroñ meñ rahe
shā.irī sharh-e-tabī.at ke sivā kuchh bhī nahīñ
tera arman teri hasrat ke siwa kuchh bhi nahin
dil mein ab teri mohabbat ke siwa kuchh bhi nahin
zindagi mujh ko kahan le ke chali aai hai
dur tak saya-e-zulmat ke siwa kuchh bhi nahin
har taraf phul haqiqat ke khile hain lekin
aankh mein KHwab-e-haqiqat ke siwa kuchh bhi nahin
yun tere gham mein hun pamal ki lagta hai mujhe
zindagi jaise aziyyat ke siwa kuchh bhi nahin
rah gai dab ke mere dil hi mein ummid-e-visal
ab malal-e-shab-e-furqat ke siwa kuchh bhi nahin
baat kya hai ki mere doston ke hathon mein
sang-e-dushnam-o-malamat ke siwa kuchh bhi nahin
sher kahte ho to ye baat bhi nazron mein rahe
shairi sharh-e-tabiat ke siwa kuchh bhi nahin
- Book : Mauj-e-sarab (Pg. 63)
- Author : Minu Bakhshi
- Publication : Arshia Publications (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
