tere bais masala hal ho gaya

tere baa.is mas.ala hal ho gayā

maiñ adhūrā thā mukammal ho gayā

jaan dī us ne maiñ pāgal ho gayā

aur afsāna mukammal ho gayā

mujh ko le kar rail aage baḌh ga.ī

aur giilā us kā āñchal ho gayā

ye samundar kis qadar thā pur-sukūñ

chāñd ko dekhā to pāgal ho gayā

ab mirī achhā.iyāñ bhī aib haiñ

ab mirā sonā bhī pītal ho gayā

har taraf hañgāma-hā-e-dār-o-gīr

kyā ye saarā shahr pāgal ho gayā

zehn meñ utrī thī yādoñ kī barāt

raat phir jangal meñ mangal ho gayā

ek afsāna adhūrā hai abhī

ek afsāna mukammal ho gayā

ḳhushk dariyāoñ meñ ḳhaak uḌne lagī

aur sahrāoñ meñ jal-thal ho gayā

tere bais masala hal ho gaya

main adhura tha mukammal ho gaya

jaan di us ne main pagal ho gaya

aur afsana mukammal ho gaya

mujh ko le kar rail aage baDh gai

aur gila us ka aanchal ho gaya

ye samundar kis qadar tha pur-sukun

chand ko dekha to pagal ho gaya

ab meri achhaiyan bhi aib hain

ab mera sona bhi pital ho gaya

har taraf hangama-ha-e-dar-o-gir

kya ye sara shahr pagal ho gaya

zehn mein utri thi yaadon ki baraat

raat phir jangal mein mangal ho gaya

ek afsana adhura hai abhi

ek afsana mukammal ho gaya

KHushk dariyaon mein KHak uDne lagi

aur sahraon mein jal-thal ho gaya