tere bina ye lala-o-bagh-o-bahaar kya

tere binā ye lāla-o-bāġh-o-bahār kyā

duniyā-e-āb-o-gil meñ kare ḳhāksār kyā

ro.e haiñ zār-o-zār suḳhan-var sabhī yahāñ

tere firāq meñ milā hai rozgār kyā

be-āb-o-tāb mansab-e-bulbul huā hai aaj

zāġh-o-zaġhan ko mil gayā hai iḳhtiyār kyā

saaqī ye chup sī kaisī hai is mai-kade meñ aaj

apne sivā koī nahīñ hai bāda-ḳhvār kyā

'ākif' ye duniyā dekhe hai chashm-e-pur-āb ko

vīrān āñkhoñ kā kisī ko e'tibār kyā

tere bina ye lala-o-bagh-o-bahaar kya

duniya-e-ab-o-gil mein kare KHaksar kya

roe hain zar-o-zar suKHan-war sabhi yahan

tere firaq mein mila hai rozgar kya

be-ab-o-tab mansab-e-bulbul hua hai aaj

zagh-o-zaghan ko mil gaya hai iKHtiyar kya

saqi ye chup si kaisi hai is mai-kade mein aaj

apne siwa koi nahin hai baada-KHwar kya

'akif' ye duniya dekhe hai chashm-e-pur-ab ko

viran aankhon ka kisi ko e'tibar kya