tere daman ki thi ya mast hua kis ki thi

tere dāman kī thī yā mast huā kis kī thī

saath mere chalī aa.ī vo sadā kis kī thī

kaun mujrim hai ki duurī hai vahī pahlī sī

paas aa kar chale jaane kī adā kis kī thī

dil to sulgā thā magar āñkhoñ meñ aañsū kyuuñ aa.e

mil ga.ī kis ko sazā aur ḳhatā kis kī thī

shaam aate hī utar aa.e mire gaañv meñ rañg

jis ke ye rañg the jaane vo qabā kis kī thī

ye mirā dil hai ki āñkheñ ki sitāroñ kī tarah

jalne bujhne kī sahar tak ye adā kis kī thī

chāñdnī raat ghane niim tale koī na thā

phir fazāoñ meñ vo ḳhushbū-e-hinā kis kī thī

tere daman ki thi ya mast hua kis ki thi

sath mere chali aai wo sada kis ki thi

kaun mujrim hai ki duri hai wahi pahli si

pas aa kar chale jaane ki ada kis ki thi

dil to sulga tha magar aankhon mein aansu kyun aae

mil gai kis ko saza aur KHata kis ki thi

sham aate hi utar aae mere ganw mein rang

jis ke ye rang the jaane wo qaba kis ki thi

ye mera dil hai ki aankhen ki sitaron ki tarah

jalne bujhne ki sahar tak ye ada kis ki thi

chandni raat ghane nim tale koi na tha

phir fazaon mein wo KHushbu-e-hina kis ki thi