tere diwane teri chashm o nazar se pahle

tere dīvāne tirī chashm o nazar se pahle

daar se guzre tirī rāhguzar se pahle

bazm se duur vo gaatā rahā tanhā tanhā

so gayā saaz pe sar rakh ke sahar se pahle

is añdhere meñ ujāloñ kā gumāñ tak bhī na thā

sho.ala-rū sho.ala-navā shola-nazar se pahle

kaun jaane ki ho kyā rañg-e-sahar rañg-e-chaman

mai-kada raqs meñ hai pichhle pahar se pahle

nik.hat-e-yār se ābād hai har kunj-e-qafas

mil ke aa.ī hai sabā us gul-e-tar se pahle

tere diwane teri chashm o nazar se pahle

dar se guzre teri rahguzar se pahle

bazm se dur wo gata raha tanha tanha

so gaya saz pe sar rakh ke sahar se pahle

is andhere mein ujalon ka guman tak bhi na tha

shoala-ru shoala-nawa shola-nazar se pahle

kaun jaane ki ho kya rang-e-sahar rang-e-chaman

mai-kada raqs mein hai pichhle pahar se pahle

nikhat-e-yar se aabaad hai har kunj-e-qafas

mil ke aai hai saba us gul-e-tar se pahle