tere dil mein jo hiqarat hai tere bas mein nahin

tere dil meñ jo hiqārat hai tire bas meñ nahīñ

tere bachpan kī ye aadat hai tire bas meñ nahīñ

tum nahīñ mānoge itnī to ḳhabar hai mujh ko

chaar logoñ pe hukūmat hai tire bas meñ nahīñ

kaj-suḳhan hai tū munāfiq hai tū kam-zarf bhī hai

is havāle se jo shohrat hai tire bas meñ nahīñ

aañkh meñ niiñd utarne hī nahīñ detā hai

ḳhvāb-zāroñ se jo hijrat hai tire bas meñ nahīñ

saañs lene ko bhī ab terī ijāzat chāhūñ

ek nākām sī hasrat hai tire bas meñ nahīñ

tujh se achchhā hai jo ik aks tujhe bhātā nahīñ

ye jo ā.īne kī hairat hai tire bas meñ nahīñ

ye tirī aañkh ke chhāle haiñ kisī aur sabab

aur chehre pe jo vahshat hai tire bas meñ nahīñ

tere dil mein jo hiqarat hai tere bas mein nahin

tere bachpan ki ye aadat hai tere bas mein nahin

tum nahin manoge itni to KHabar hai mujh ko

chaar logon pe hukumat hai tere bas mein nahin

kaj-suKHan hai tu munafiq hai tu kam-zarf bhi hai

is hawale se jo shohrat hai tere bas mein nahin

aankh mein nind utarne hi nahin deta hai

KHwab-zaron se jo hijrat hai tere bas mein nahin

sans lene ko bhi ab teri ijazat chahun

ek nakaam si hasrat hai tere bas mein nahin

tujh se achchha hai jo ek aks tujhe bhata nahin

ye jo aaine ki hairat hai tere bas mein nahin

ye teri aankh ke chhaale hain kisi aur sabab

aur chehre pe jo wahshat hai tere bas mein nahin