تیرے دل سے اگر ہم اتر جائیں گے

تیرے دل سے اگر ہم اتر جائیں گے

سانس رک جائے گا ہم تو مر جائیں گے

یوں تو ہم نے کسی کی سنی ہی نہیں

تم کہو گے تو ہم بھی سدھر جائیں گے

یہ ہوس کے پجاری ہیں عاشق نہیں

شب گزاریں گے پھر یہ مکر جائیں گے

میں اگر دل کی وادی میں رہنے نہ دوں

تیری یادوں کے لشکر کدھر جائیں گے

ہاتھ میں اتنی وحشت ہے بربادی ہے

جوتشی ہاتھ دیکھیں گے ڈر جائیں گے

زندگی تیرے دفتر سے اک روز ہم

لمبی چھٹی لیے اپنے گھر جائیں گے