tere honTon pe nazar baqi hai
tere hoñToñ pe nazar baaqī hai
kis ke hone kī ḳhabar baaqī hai
kitne ḳhush-rañg badan dhuul hue
vaqt kī chaal magar baaqī hai
aaj bhī ġham kī salāmī ke liye
dil kā ābād nagar baaqī hai
shab kī qindīl uThāne vaale
dekh chehroñ pe sahar baaqī hai
dard kā chehra thā barbād huā
dasht meñ sūkhā shajar baaqī hai
ḳhuuñ javāñ ḳhuun se holī khelo
chand qadmoñ kā safar baaqī hai
tere honTon pe nazar baqi hai
kis ke hone ki KHabar baqi hai
kitne KHush-rang badan dhul hue
waqt ki chaal magar baqi hai
aaj bhi gham ki salami ke liye
dil ka aabaad nagar baqi hai
shab ki qindil uThane wale
dekh chehron pe sahar baqi hai
dard ka chehra tha barbaad hua
dasht mein sukha shajar baqi hai
KHun jawan KHun se holi khelo
chand qadmon ka safar baqi hai
- Book : Harf hale (Pg. 132)
- Author : Aazam Khurshiid
- Publication : Lodhi Publishers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
