tere KHayal-o-KHwab se beja hun ab talak

tere ḳhayāl-o-ḳhvāb se bejā huuñ ab talak

ya.anī maiñ apnī zaat se bichhḌā huuñ ab talak

gar huuñ tujhe nasīb to mujh ko na yuuñ gañvā

kitnoñ ke vāste maiñ tamannā huuñ ab talak

mujh se alag huā vo ujāloñ meñ kho gayā

maiñ tīrgī kī zabt meñ baiThā huuñ ab talak

ab to tamām zaḳhm bhī nābūd ho ga.e

hadd-e-azāb hai ki maiñ zinda huuñ ab talak

tere KHayal-o-KHwab se beja hun ab talak

yani main apni zat se bichhDa hun ab talak

gar hun tujhe nasib to mujh ko na yun ganwa

kitnon ke waste main tamanna hun ab talak

mujh se alag hua wo ujalon mein kho gaya

main tirgi ki zabt mein baiTha hun ab talak

ab to tamam zaKHm bhi nabud ho gae

hadd-e-azab hai ki main zinda hun ab talak