tere KHwabon mein mohabbat ki duhai dunga

tere ḳhvāboñ meñ mohabbat kī duhā.ī dūñgā

jab koī aur na hogā to dikhā.ī dūñgā

merī duniyā meñ faqat ek ḳhudā kaafī hai

dosto kitne ḳhudāoñ ko ḳhudā.ī dūñgā

dil ko maiñ qaid-e-qafas se to bachā le aayā

kab use qaid-e-nasheman se rihā.ī dūñgā

koī insāñ nazar aa.e to bulāo us ko

use is daur meñ jiine pe badhā.ī dūñgā

dekh luuñ apne garebāñ hī meñ muñh Daal ke maiñ

apne hālāt kī kis kis kī burā.ī dūñgā

tum agar chhoḌ ga.e mujh ko to yuuñ taḌpūñgā

saarī duniyā ko ġham-e-dard-e-judā.ī dūñgā

terī hī ruuh kā naġhma huuñ agar miT bhī gayā

maiñ tujhe dūsrī duniyā se sunā.ī dūñgā

tere KHwabon mein mohabbat ki duhai dunga

jab koi aur na hoga to dikhai dunga

meri duniya mein faqat ek KHuda kafi hai

dosto kitne KHudaon ko KHudai dunga

dil ko main qaid-e-qafas se to bacha le aaya

kab use qaid-e-nasheman se rihai dunga

koi insan nazar aae to bulao us ko

use is daur mein jine pe badhai dunga

dekh lun apne gareban hi mein munh Dal ke main

apne haalat ki kis kis ki burai dunga

tum agar chhoD gae mujh ko to yun taDpunga

sari duniya ko gham-e-dard-e-judai dunga

teri hi ruh ka naghma hun agar miT bhi gaya

main tujhe dusri duniya se sunai dunga