tere milne ki dua ki jae

tere milne kī duā kī jaa.e

dard kī kuchh to davā kī jaa.e

ḳhāmushī oḌh rahā huuñ pal-pal

ḳhālī bartan kī sadā kī jaa.e

shāḳh ne oḌh liye haiñ patte

aao ḳhud par bhī qabā kī jaa.e

chāñd ko jis se hayā aatī hai

jazb kyā us kī adā kī jaa.e

ḳhushk sahrā meñ kahāñ hai paanī

dafn jañgal meñ anā kī jaa.e

tere milne ki dua ki jae

dard ki kuchh to dawa ki jae

KHamushi oDh raha hun pal-pal

KHali bartan ki sada ki jae

shaKH ne oDh liye hain patte

aao KHud par bhi qaba ki jae

chand ko jis se haya aati hai

jazb kya us ki ada ki jae

KHushk sahra mein kahan hai pani

dafn jangal mein ana ki jae