تیرے پیاسوں کو سزا دی گئی ہے
تشنگی اور بڑھا دی گئی ہے
اس کے آنے کی خبر آتے ہی
شہر کو آگ لگا دی گئی ہے
قید ہونے کی دعا مانگی تھی
میری زنجیر ہٹا دی گئی ہے
تم مجھے دیکھنے سے قاصر تھے
روشنی اور بڑھا دی گئی ہے
ایک پنچھی کو کسی پنجرے میں
اڑتے رہنے کی دعا دی گئی ہے
خودکشی کے تو نشاں باقی نہیں
ریت ساحل سے ہٹا دی گئی ہے
میں تو سجدے میں پڑا تھا لیکن
مجھ پہ تلوار گرا دی گئی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
