tere sae se pare rah ke jiya kaise karen

tere saa.e se pare rah ke jiyā kaise kareñ

fāsle tai bhī kareñ ham to batā kaise kareñ

rog is dil ko lagā hai tirī ḳhātir varna

tū nahīñ hai to batā dil kī davā kaise kareñ

do ghaḌī bhar ke liye bhī na rahā saath tirā

bin tire shahr meñ ham pās-e-vafā kaise kareñ

ranj-o-ġham kī vo ravānī na rahī dil meñ mire

dil dukhegā to batā dil se duā kaise kareñ

aap kī duniyā alag aur alag apnā jahāñ

rāste jab na hoñ manzil pe milā kaise kareñ

bevafā.ī kā chalan aam hai duniyā meñ 'kiran'

zindagī bhar ke liye zaḳhm sahā kaise kareñ

tere sae se pare rah ke jiya kaise karen

fasle tai bhi karen hum to bata kaise karen

rog is dil ko laga hai teri KHatir warna

tu nahin hai to bata dil ki dawa kaise karen

do ghaDi bhar ke liye bhi na raha sath tera

bin tere shahr mein hum pas-e-wafa kaise karen

ranj-o-gham ki wo rawani na rahi dil mein mere

dil dukhega to bata dil se dua kaise karen

aap ki duniya alag aur alag apna jahan

raste jab na hon manzil pe mila kaise karen

bewafai ka chalan aam hai duniya mein 'kiran'

zindagi bhar ke liye zaKHm saha kaise karen