tere sadqe bhala na-chiz ye ware kya kya

tere sadqe bhalā nā-chīz ye vaare kyā kyā

tū ne dhartī pe utāre haiñ sitāre kyā kyā

is sharāfat ko lage aag samajh hī na sake

varna milte rahe ham ko bhī ishāre kyā kyā

tujh se vābasta mohabbat ko qarār aane lagā

ham ne dekhe tirī qurbat meñ ḳhasāre kyā kyā

ek lamhe ko huā ḳhud pe haqīqat kā gumāñ

tū ne miTTī pe ḳhudā naqsh ubhāre kyā kyā

hijr par us ne mujhe raazī kiye rakkhā hai

aur ash.ār mire dil pe utāre kyā kyā

terī taskīn ko badnām huī huuñ mire zauq

chehre badle ka.ī aur ruup haiñ dhāre kyā kyā

tere sadqe bhala na-chiz ye ware kya kya

tu ne dharti pe utare hain sitare kya kya

is sharafat ko lage aag samajh hi na sake

warna milte rahe hum ko bhi ishaare kya kya

tujh se wabasta mohabbat ko qarar aane laga

hum ne dekhe teri qurbat mein KHasare kya kya

ek lamhe ko hua KHud pe haqiqat ka guman

tu ne miTTi pe KHuda naqsh ubhaare kya kya

hijr par us ne mujhe raazi kiye rakkha hai

aur ashaar mere dil pe utare kya kya

teri taskin ko badnam hui hun mere zauq

chehre badle kai aur rup hain dhaare kya kya