tere siwa bhi dost mujhe kaam aur hai

tere sivā bhī dost mujhe kaam aur hai

duniyā meñ dil lagāne kā anjām aur hai

maiñ sochtā rahā huuñ mohabbat ke baab meñ

kahte haiñ is vabā kā yahāñ naam aur hai

har raat merī kaTtī hai is soch meñ ki ab

vo sub.h koī aur thī ye shaam aur hai

merī likhe pe tanz na farmā.iye janāb

merī ġhazal meñ lafz kā ib.hām aur hai

us ne kahā ki mai-kada-e-dil to band thā

pūchhā jo maiñ ne us se miyāñ jaam aur hai

us se nikal ke jā nahīñ saktā koī shikār

vo daam aur daam thā ye daam aur hai

maiñ mast huuñ magan huuñ tirī kā.enāt meñ

kyūñki ye kā.enāt mujhe ḳhaam aur hai

'asġhar' se pūchhte ho jo vahshat kā 'ishq meñ

vo sāf-sāf kahtā hai kohrām aur hai

tere siwa bhi dost mujhe kaam aur hai

duniya mein dil lagane ka anjam aur hai

main sochta raha hun mohabbat ke bab mein

kahte hain is waba ka yahan nam aur hai

har raat meri kaTti hai is soch mein ki ab

wo subh koi aur thi ye sham aur hai

meri likhe pe tanz na farmaiye janab

meri ghazal mein lafz ka ibham aur hai

us ne kaha ki mai-kada-e-dil to band tha

puchha jo main ne us se miyan jam aur hai

us se nikal ke ja nahin sakta koi shikar

wo dam aur dam tha ye dam aur hai

main mast hun magan hun teri kaenat mein

kyunki ye kaenat mujhe KHam aur hai

'asghar' se puchhte ho jo wahshat ka 'ishq mein

wo saf-saf kahta hai kohram aur hai