tere siwa nigahon mein ai yar kaun hai

tere sivā nigāhoñ meñ ai yaar kaun hai

hairāñ huuñ maiñ ki tālib-e-dīdār kaun hai

har qatra ashk-e-shauq hai har zarra chashm-e-shauq

kyā pūchhte ho tālib-e-dīdār kaun hai

sab hasratoñ ko rāz-e-mohabbat banā chukā

ab sochtā huuñ lā.eq-e-iz.hār kaun hai

'nātiq' kisī ko de do dil-e-zār nazr meñ

is jins-e-be-bahā kā ḳharīdār kaun hai

tere siwa nigahon mein ai yar kaun hai

hairan hun main ki talib-e-didar kaun hai

har qatra ashk-e-shauq hai har zarra chashm-e-shauq

kya puchhte ho talib-e-didar kaun hai

sab hasraton ko raaz-e-mohabbat bana chuka

ab sochta hun laeq-e-izhaar kaun hai

'natiq' kisi ko de do dil-e-zar nazr mein

is jins-e-be-baha ka KHaridar kaun hai