tere ushshaq ne har moD pe Thukrai hai

tere ushshāq ne har moḌ pe Thukrā.ī hai

aql vo bhiik hai jo duniyā uThā laa.ī hai

phuuT jaa.eñ mirī āñkheñ yahī din dekhne the

terī tasvīr kisī ġhair ne dikhlā.ī hai

kitnī mil jaa.e kise kuchh bhī nahīñ kah sakte

hasb-e-taufīq tire ishq meñ rusvā.ī hai

aisī hālat to sar-e-hashr nazar aanī thī

jo tire sāya-e-dīvār nazar aa.ī hai

ham se bhī pher nazar ham ko bhī rusvā farmā

ham ne nuqsān uThāne kī qasam khaa.ī hai

ab tire ḳhvāb falak se bhī utar aa.eñ to kyā

aas kī chhat se mirī niiñd utar aa.ī hai

ibn-e-'jāved' ne bas ġham nahīñ paayā hai tirā

ibn-e-'jāved' ne hisse kī ḳhushī paa.ī hai

tere ushshaq ne har moD pe Thukrai hai

aql wo bhik hai jo duniya uTha lai hai

phuT jaen meri aankhen yahi din dekhne the

teri taswir kisi ghair ne dikhlai hai

kitni mil jae kise kuchh bhi nahin kah sakte

hasb-e-taufiq tere ishq mein ruswai hai

aisi haalat to sar-e-hashr nazar aani thi

jo tere saya-e-diwar nazar aai hai

hum se bhi pher nazar hum ko bhi ruswa farma

hum ne nuqsan uThane ki qasam khai hai

ab tere KHwab falak se bhi utar aaen to kya

aas ki chhat se meri nind utar aai hai

ibn-e-'jawed' ne bas gham nahin paya hai tera

ibn-e-'jawed' ne hisse ki KHushi pai hai