teri aankhon se apni taraf dekhna bhi akarat gaya

terī āñkhoñ se apnī taraf dekhnā bhī akārat gayā

ya.anī pahchān kā ye nayā silsila bhī akārat gayā

yuuñ hinā.ī lakīreñ uḌiiñ ajnabī tā.eroñ kī tarah

par-burīda sā rañg-e-kaf-e-sad-hinā bhī akārat gayā

ab khulā hai ki merā tire rañg meñ tere andāz meñ

bolnā hī nahīñ dekhnā sochnā bhī akārat gayā

sun rahā huuñ abhī tak maiñ apnī hī āvāz kī bāzgasht

ya.anī is dasht meñ zor se bolnā bhī akārat gayā

vo zuleḳhā.ī ḳhvāhish hī apne sabab se pashemāñ na thī

sātveñ dar ke andar mirā hausla bhī akārat gayā

koī lau tak na dī kaale peḌoñ ko is ātishīñ raqs ne

ya.anī jañgal meñ us mor kā nāchnā bhī akārat gayā

teri aankhon se apni taraf dekhna bhi akarat gaya

yani pahchan ka ye naya silsila bhi akarat gaya

yun hinai lakiren uDin ajnabi taeron ki tarah

par-burida sa rang-e-kaf-e-sad-hina bhi akarat gaya

ab khula hai ki mera tere rang mein tere andaz mein

bolna hi nahin dekhna sochna bhi akarat gaya

sun raha hun abhi tak main apni hi aawaz ki bazgasht

yani is dasht mein zor se bolna bhi akarat gaya

wo zuleKHai KHwahish hi apne sabab se pasheman na thi

satwen dar ke andar mera hausla bhi akarat gaya

koi lau tak na di kale peDon ko is aatishin raqs ne

yani jangal mein us mor ka nachna bhi akarat gaya