teri be-ruKHi meri maut thi hua iltifat kabhi kabhi

terī be-ruḳhī mirī maut thī huā iltifāt kabhī kabhī

tire iltifāt kī ḳhair ho ki milī hayāt kabhī kabhī

rah-e-ārzū meñ kahīñ kahīñ mujhe rok dete haiñ hādse

ġham-e-ishq hai mirā mustaqil ġham-e-kā.enāt kabhī kabhī

mirī jumbish-e-lab-e-ġham-zada jo tire mizāj pe baar hai

mire āñso.oñ kī zabāñ se sun ġham-e-dil kī baat kabhī kabhī

nahīñ ek haal meñ kuchh maza karo chāshnī bhī mujhe atā

mirī zindagī ke sukūt meñ na.ī vārdāt kabhī kabhī

vo jahāñ kahīñ nazar aa ga.e baḌā ittifāq hasīñ rahā

mujhe tīrgī thī nasīb meñ milī chāñd raat kabhī kabhī

maiñ zamīñ-navard thā ishq meñ magar aise moḌ bhī aa ga.e

mah-o-mehr tak mujhe le gayā safar-e-hayāt kabhī kabhī

tirā 'qaisar' amn-o-sukūñ meñ bhī na bachā fareb-e-jamāl se

tirī ik nigāh se khul gayā dar-e-hādsāt kabhī kabhī

teri be-ruKHi meri maut thi hua iltifat kabhi kabhi

tere iltifat ki KHair ho ki mili hayat kabhi kabhi

rah-e-arzu mein kahin kahin mujhe rok dete hain hadse

gham-e-ishq hai mera mustaqil gham-e-kaenat kabhi kabhi

meri jumbish-e-lab-e-gham-zada jo tere mizaj pe bar hai

mere aansoon ki zaban se sun gham-e-dil ki baat kabhi kabhi

nahin ek haal mein kuchh maza karo chashni bhi mujhe ata

meri zindagi ke sukut mein nai wardat kabhi kabhi

wo jahan kahin nazar aa gae baDa ittifaq hasin raha

mujhe tirgi thi nasib mein mili chand raat kabhi kabhi

main zamin-naward tha ishq mein magar aise moD bhi aa gae

mah-o-mehr tak mujhe le gaya safar-e-hayat kabhi kabhi

tera 'qaisar' amn-o-sukun mein bhi na bacha fareb-e-jamal se

teri ek nigah se khul gaya dar-e-hadsat kabhi kabhi