teri bhanwon ki tegh ke jo ru-ba-ru hua

terī bhañvoñ kī teġh ke jo rū-ba-rū huā

sab āshiqoñ kī saf meñ vo hī surḳh-rū huā

tujh zulf ke ḳhayāl siiñ kyūñkar nikal sakūñ

har pech-o-ḳham namūna-e-tauq-e-gulū huā

tere nigah kā tiir hai az-bas-ke mūshigāf

mamnūñ har ek zaḳhm siiñ maiñ hū-ba-hū huā

rishte siiñ mauj-e-gul kī havā-e-bahār meñ

sab bulbuloñ kā chāk-garebāñ rafū huā

sūraj kā rañg chāñd sirī kā huā safed

jis sub.h kuuñ savār vo ḳhurshīd-rū huā

jis kī zabāñ meñ ishq ke afsūñ kā hai asar

har harf us kā mauj-e-parī hū-ba-hū huā

barjā hai gar kahūñ maiñ use shīsha ātishī

chashm-e-'sirāj' ā.īna-sho.ala-rū huā

teri bhanwon ki tegh ke jo ru-ba-ru hua

sab aashiqon ki saf mein wo hi surKH-ru hua

tujh zulf ke KHayal sin kyunkar nikal sakun

har pech-o-KHam namuna-e-tauq-e-gulu hua

tere nigah ka tir hai az-bas-ke mushigaf

mamnun har ek zaKHm sin main hu-ba-hu hua

rishte sin mauj-e-gul ki hawa-e-bahaar mein

sab bulbulon ka chaak-gareban rafu hua

suraj ka rang chand siri ka hua safed

jis subh kun sawar wo KHurshid-ru hua

jis ki zaban mein ishq ke afsun ka hai asar

har harf us ka mauj-e-pari hu-ba-hu hua

barja hai gar kahun main use shisha aatishi

chashm-e-'siraj' aaina-shoala-ru hua