teri dawat mein gar khana nahin tha

terī dāvat meñ gar khānā nahīñ thā

tujhe tambū bhī lagvānā nahīñ thā

mirā kurtā purānā ho gayā hai

mujhe mahfil meñ yuuñ aanā nahīñ thā

imārat meñ lagā letā ise maiñ

mujhe patthar se Takrānā nahīñ thā

ye merā thā safar maiñ ne chunā thā

mujhe kāñToñ se ghabrānā nahīñ thā

samajh letā maiñ ḳhud hī baat us kī

mujhe us ko to samjhānā nahīñ thā

tujhe raajā banā dete kabhī kā

magar afsos tū kaanā nahīñ thā

chhupāte ham kahāñ par āñsuoñ ko

vahāñ koī bhī tah-ḳhāna nahīñ thā

mohabbat to ibādat thī kisī din

faqat jī kā hī bahlānā nahīñ thā

jahāñ par yudh meñ shāmil the saare

vahāñ tum ko bhī ghabrānā nahīñ thā

teri dawat mein gar khana nahin tha

tujhe tambu bhi lagwana nahin tha

mera kurta purana ho gaya hai

mujhe mahfil mein yun aana nahin tha

imarat mein laga leta ise main

mujhe patthar se Takrana nahin tha

ye mera tha safar main ne chuna tha

mujhe kanTon se ghabrana nahin tha

samajh leta main KHud hi baat us ki

mujhe us ko to samjhana nahin tha

tujhe raja bana dete kabhi ka

magar afsos tu kana nahin tha

chhupate hum kahan par aansuon ko

wahan koi bhi tah-KHana nahin tha

mohabbat to ibaadat thi kisi din

faqat ji ka hi bahlana nahin tha

jahan par yudh mein shamil the sare

wahan tum ko bhi ghabrana nahin tha