تیری دشواریاں اے زندگی ہر روز ڈھوتے ہیں

تیری دشواریاں اے زندگی ہر روز ڈھوتے ہیں

تھکن سے چور ہو کر بھی بہت مسرور ہوتے ہیں

خزاں ہر شاخ کو محروم کر دیتی ہے پتوں سے

بہاراں میں سبھی سوکھے شجر شاداب ہوتے ہیں

یہ داغ دل نہیں دھلتے کبھی دو چار چھینٹوں سے

کہاں ہم کھل کے رو پاتے ہیں بس پلکیں بھگوتے ہیں

مسلسل دوڑتے رہتے ہیں لمحے موت کی جانب

یہ دریا کی طرح خود کو سمندر میں ڈبوتے ہیں

سمے اچھا برا اپنا بناتے ہیں ہمیں حشمتؔ

وہی کل فصل کاٹیں گے جسے ہم آج بوتے ہیں