teri jo yaad ai dil-KHwah bhula

terī jo yaad ai dil-ḳhvāh bhūlā

billāh bhūlā vallāh bhūlā

furqat kī shab meñ jāñ-soz dil ne

uff uff kiyā jo aah aah bhūlā

kaj rakh na pā ko jā dil se ġhāfil

pher us ne khāyā jo raah bhūlā

zunnār Daalā tasbīh phīkī

ishq-e-sanam meñ allāh bhūlā

ḳhur ne girāyā us ko nazar se

jo zarra terī dargāh bhūlā

zulf-e-rasā ko samjhā jo af.ī

chūkā vo qasr-e-kotāh bhūlā

dekhe se terā rū-e-munavvar

ham mahr bhūlā ham maah bhūlā

mahrūm rakhā saaqī ne ham ko

apne gadā ko jam-jāh bhūlā

but-ḳhāna chhoḌā baaz aa.e but se

vo shahr bhūlā vo shaah bhūlā

shart vafā kī kis be-vafā se

'ātish' sā ārif-e-āgāh bhūlā

teri jo yaad ai dil-KHwah bhula

billah bhula wallah bhula

furqat ki shab mein jaan-soz dil ne

uff uff kiya jo aah aah bhula

kaj rakh na pa ko ja dil se ghafil

pher us ne khaya jo rah bhula

zunnar Dala tasbih phiki

ishq-e-sanam mein allah bhula

KHur ne giraya us ko nazar se

jo zarra teri dargah bhula

zulf-e-rasa ko samjha jo afi

chuka wo qasr-e-kotah bhula

dekhe se tera ru-e-munawwar

hum mahr bhula hum mah bhula

mahrum rakha saqi ne hum ko

apne gada ko jam-jah bhula

but-KHana chhoDa baz aae but se

wo shahr bhula wo shah bhula

shart wafa ki kis be-wafa se

'atish' sa aarif-e-agah bhula