teri justuju mein jahan dekh aae

terī justujū meñ jahāñ dekh aa.e

kahāñ dekhnā thā kahāñ dekh aa.e

chale sub.h-dam shaam ghar lauT aa.e

zamīñ āsmāñ kahkashāñ dekh aa.e

rahe rahguzar par khaḌe shaam tak ham

guzarte rahe kārvāñ dekh aa.e

qadam dekhnā ḳhud ye chūmeñgī maujeñ

zamīñ-bos ham āsmāñ dekh aa.e

na mausam na bād-e-sabā raas aa.ī

chaman meñ thā raqs-e-ḳhizāñ dekh aa.e

har ik shahr dekhā pata jā ke pūchhā

jidhar bhī ga.e kuchh dhuāñ dekh aa.e

gale mil ke dekhā hai rotī fazā.eñ

chaman āshiyāñ bāġhbāñ dekh aa.e

teri justuju mein jahan dekh aae

kahan dekhna tha kahan dekh aae

chale subh-dam sham ghar lauT aae

zamin aasman kahkashan dekh aae

rahe rahguzar par khaDe sham tak hum

guzarte rahe karwan dekh aae

qadam dekhna KHud ye chumengi maujen

zamin-bos hum aasman dekh aae

na mausam na baad-e-saba ras aai

chaman mein tha raqs-e-KHizan dekh aae

har ek shahr dekha pata ja ke puchha

jidhar bhi gae kuchh dhuan dekh aae

gale mil ke dekha hai roti fazaen

chaman aashiyan baghban dekh aae