teri mahfil se uTh ke diwane

terī mahfil se uTh ke dīvāne

chal diye phir kahāñ ḳhudā jaane

kis ko mālūm thā ḳhushī ke liye

dard-o-ġham bhī paḌeñge apnāne

jin se muddat kī thī shanāsā.ī

aaj vo bhī bane haiñ begāne

ye fasāne kabhī ke miT jaate

baat rakh lī mire masīhā ne

jin kā ġham ke sivā koī na huā

vo ḳhushī ko chale haiñ apnāne

phir huā aaj mehrbāñ saaqī

phir chhalakne lage haiñ paimāne

kitnī mohtāt thiiñ mirī nazreñ

ban ga.e phir bhī kitne afsāne

na milā ai 'asar' vo but ab tak

go hazāroñ mile sanam-ḳhāne

teri mahfil se uTh ke diwane

chal diye phir kahan KHuda jaane

kis ko malum tha KHushi ke liye

dard-o-gham bhi paDenge apnane

jin se muddat ki thi shanasai

aaj wo bhi bane hain begane

ye fasane kabhi ke miT jate

baat rakh li mere masiha ne

jin ka gham ke siwa koi na hua

wo KHushi ko chale hain apnane

phir hua aaj mehrban saqi

phir chhalakne lage hain paimane

kitni mohtat thin meri nazren

ban gae phir bhi kitne afsane

na mila ai 'asar' wo but ab tak

go hazaron mile sanam-KHane