teri mohabbaton ke giraftar aa gae

terī mohabbatoñ ke giraftār aa ga.e

ya.anī aziyyatoñ ke talabgār aa ga.e

ye jānte hue ki ḳharīdār hī nahīñ

ham ḳhvāb bechne sar-e-bāzār aa ga.e

dekhā ki bazm-e-yār meñ ġhairoñ kī bhiiḌ hai

chup-chāp uTh ke ham pas-e-dīvār aa ga.e

ik phuul apne vaqt se pahle mahak uThā

jaane kahāñ kahāñ se ḳharīdār aa ga.e

bas ek baar kūcha-e-jānāñ kā ruḳh kiyā

phir us ke baad ḳhud hī sar-e-dār aa ga.e

teri mohabbaton ke giraftar aa gae

yani aziyyaton ke talabgar aa gae

ye jaante hue ki KHaridar hi nahin

hum KHwab bechne sar-e-bazar aa gae

dekha ki bazm-e-yar mein ghairon ki bhiD hai

chup-chap uTh ke hum pas-e-diwar aa gae

ek phul apne waqt se pahle mahak uTha

jaane kahan kahan se KHaridar aa gae

bas ek bar kucha-e-jaanan ka ruKH kiya

phir us ke baad KHud hi sar-e-dar aa gae