teri nazar mein aalam meri nazar mein tu hai

terī nazar meñ aalam merī nazar meñ tū hai

ik dil ke haath meñ ab ik dil kī aabrū hai

fitrat kā rañg le kar phirtī jo chār-sū hai

ik be-gunāh dil kī ma.asūm aarzū hai

pazhmurda gul chaman kā kaliyoñ se kah rahā hai

phūloñ kī ḳhush-numā.ī ik rāz-e-rañg-o-bū hai

jab had se baḌh ga.ī kuchh har had mirī ḳhushī kī

maiñ ne samajh liyā ki ab ḳhatm aarzū hai

hoñToñ ko ho na jumbish vo sab samajh rahe hoñ

ye shān-e-guftugū bhī ik shān-e-guftugū hai

mujh se suno junūñ aur bechārgī kā matlab

phūloñ kī chaah karnā kāñToñ kī aarzū hai

kaun hai jo be-qarār hai tere baġhair 'ashraf'

manzil ko dekh shāyad ab terī justujū hai

teri nazar mein aalam meri nazar mein tu hai

ek dil ke hath mein ab ek dil ki aabru hai

fitrat ka rang le kar phirti jo chaar-su hai

ek be-gunah dil ki masum aarzu hai

pazhmurda gul chaman ka kaliyon se kah raha hai

phulon ki KHush-numai ek raaz-e-rang-o-bu hai

jab had se baDh gai kuchh har had meri KHushi ki

main ne samajh liya ki ab KHatm aarzu hai

honTon ko ho na jumbish wo sab samajh rahe hon

ye shan-e-guftugu bhi ek shan-e-guftugu hai

mujh se suno junun aur bechaargi ka matlab

phulon ki chah karna kanTon ki aarzu hai

kaun hai jo be-qarar hai tere baghair 'ashraf'

manzil ko dekh shayad ab teri justuju hai