تیری نظروں میں معتبر نہ ہوئی
میں معطر ہوئی مگر نہ ہوئی
حال دنیا پہ کھل گیا میرا
ایک بس آپ کو خبر نہ ہوئی
زندگی ریزہ ریزہ ہو کر بھی
آج تک گرد رہ گزر نہ ہوئی
تو سفر کار تھا سفر میں رہا
میں ترے پاؤں میں ڈگر نہ ہوئی
تیرے دل تک چلی نہیں آئی
اپنی بھی ذات کی مگر نہ ہوئی
تیری یادیں تھیں میرے ساتھ مگر
ہجر کی رات مختصر نہ ہوئی
کیے روشن کئی چراغ دعا
روشنی پھر بھی بام پر نہ ہوئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
