teri surat kamal karti hai

terī sūrat kamāl kartī hai

mahv-e-husn-o-jamāl kartī hai

aap kī ek ek baat mujhe

aap kā ham-ḳhayāl kartī hai

hosh vaale bhī hosh kho baiTheñ

be-ḳhudī vo kamāl kartī hai

yaar is zindagī ko kyā kahiye

kaise kaise savāl kartī hai

ye jo duniyā hai ye mohabbat ko

ik tamāshā ḳhayāl kartī hai

kaash tū hotā in lakīroñ meñ

ye hathelī malāl kartī hai

kyā huiiñ qurbateñ jo thiiñ tum se

mujh se duniyā savāl kartī hai

ye jo duniyā hai kitnī mushkil se

e'tirāf-e-kamāl kartī hai

maiñ jo she'roñ kī daad paatā huuñ

ye sab urdu kamāl kartī hai

koī hiila 'samar' nahīñ chaltā

zindagī jab savāl kartī hai

teri surat kamal karti hai

mahw-e-husn-o-jamal karti hai

aap ki ek ek baat mujhe

aap ka ham-KHayal karti hai

hosh wale bhi hosh kho baiThen

be-KHudi wo kamal karti hai

yar is zindagi ko kya kahiye

kaise kaise sawal karti hai

ye jo duniya hai ye mohabbat ko

ek tamasha KHayal karti hai

kash tu hota in lakiron mein

ye hatheli malal karti hai

kya huin qurbaten jo thin tum se

mujh se duniya sawal karti hai

ye jo duniya hai kitni mushkil se

e'tiraf-e-kamal karti hai

main jo she'ron ki dad pata hun

ye sab urdu kamal karti hai

koi hila 'samar' nahin chalta

zindagi jab sawal karti hai