teri tajsim kar raha hun main
terī tajsīm kar rahā huuñ maiñ
ḳhud ko taqsīm kar rahā huuñ maiñ
tujh se milnā bhī hai bichhaḌnā bhī
ḳhud ko do-nīm kar rahā huuñ maiñ
aise tanhā.ī shor kartī hai
jaise takrīm kar rahā huuñ maiñ
dekhne meñ nazar nahīñ aatā
jis kī tafhīm kar rahā huuñ maiñ
shor barpā hai kis liye itnā
koī tarmīm kar rahā huuñ maiñ
sīdhā rastā batā diyā hai tujhe
terī tā'zīm kar rahā huuñ maiñ
ik ta'alluq ke vāste 'shahzād'
tujh ko taslīm kar rahā huuñ maiñ
teri tajsim kar raha hun main
KHud ko taqsim kar raha hun main
tujh se milna bhi hai bichhaDna bhi
KHud ko do-nim kar raha hun main
aise tanhai shor karti hai
jaise takrim kar raha hun main
dekhne mein nazar nahin aata
jis ki tafhim kar raha hun main
shor barpa hai kis liye itna
koi tarmim kar raha hun main
sidha rasta bata diya hai tujhe
teri ta'zim kar raha hun main
ek ta'alluq ke waste 'shahzad'
tujh ko taslim kar raha hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
