tesha-ba-kaf ko aaina-gar kah diya gaya

Anjum Irfani

tesha-ba-kaf ko aaina-gar kah diya gaya

Anjum Irfani

MORE BYAnjum Irfani

    tesha-ba-kaf ko ā.ina-gar kah diyā gayā

    jo aib thā use bhī hunar kah diyā gayā

    saaya hai pyaar na mohabbat dhuup hai

    dīvār ke hisār ko ghar kah diyā gayā

    in ke har ek goshe meñ sadiyāñ muqīm haiñ

    TuuTī imāratoñ ko khañDar kah diyā gayā

    ḳhuddārī-e-anā hai na pindār-e-zīst hai

    shānoñ ke saare bojh ko sar kah diyā gayā

    āñgan meñ har makāñ ke añdheroñ raaj hai

    mahloñ raushnī ko sahar kah diyā gayā

    kuchh ḳhauf-e-jāñ hai aur na kuchh fikr-e-hijr-e-yār

    ḳhush-gāmiyoñ ko ranj-e-safar kah diyā gayā

    hairat daroġh maslahat-āmez par ho kyā

    be-barg jhāḌiyoñ ko shajar kah diyā gayā

    dekhā kahāñ hai aag ke dariyāoñ safar

    jugnū uḌe to raqs-e-sharar kah diyā gayā

    kuchh ehtirām-o-husn-e-aqīdat ke josh meñ

    har naqsh āb-e-naqsh-e-hajar kah diyā gayā

    khul jā.egā bharam tirī mīzān-e-adl

    do ek harf-e-jurm agar kah diyā gayā

    nā-āshnā-e-naqsh-e-kaf-e-pā-e-ām hai

    vo rāsta bhī rāhguzar kah diyā gayā

    yuuñ ḳhush haiñ jaise vāqi.atan ho ga.e ḳhudā

    majbūriyoñ ke zer-e-asar kah diyā gayā

    'anjum' yahāñ tak aane meñ kyā kyā guzar ga.ī

    mohr-e-sar-e-mizha bhī guhar kah diyā gayā

    tesha-ba-kaf ko aaina-gar kah diya gaya

    jo aib tha use bhi hunar kah diya gaya

    saya hai pyar ka na mohabbat ki dhup hai

    diwar ke hisar ko ghar kah diya gaya

    in ke har ek goshe mein sadiyan muqim hain

    TuTi imaraton ko khanDar kah diya gaya

    KHuddari-e-ana hai na pindar-e-zist hai

    shanon ke sare bojh ko sar kah diya gaya

    aangan mein har makan ke andheron ka raj hai

    mahlon ki raushni ko sahar kah diya gaya

    kuchh KHauf-e-jaan hai aur na kuchh fikr-e-hijr-e-yar

    KHush-gamiyon ko ranj-e-safar kah diya gaya

    hairat darogh maslahat-amez par ho kya

    be-barg jhaDiyon ko shajar kah diya gaya

    dekha kahan hai aag ke dariyaon ka safar

    jugnu uDe to raqs-e-sharar kah diya gaya

    kuchh ehtiram-o-husn-e-aqidat ke josh mein

    har naqsh aab-e-naqsh-e-hajar kah diya gaya

    khul jaega bharam teri mizan-e-adl ka

    do ek harf-e-jurm agar kah diya gaya

    na-ashna-e-naqsh-e-kaf-e-pa-e-am hai

    wo rasta bhi rahguzar kah diya gaya

    yun KHush hain jaise waqiatan ho gae KHuda

    majburiyon ke zer-e-asar kah diya gaya

    'anjum' yahan tak aane mein kya kya guzar gai

    mohr-e-sar-e-mizha bhi guhar kah diya gaya

    Source :
    • Book : Libas-e-zakhm (Pg. 99)
    • Author : Badruddin Ahmed Khan
    • Publication : Anjum Irfani (1984)
    • Edition : 1984
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY