tez jab gardish-e-haalat hua karti hai
tez jab gardish-e-hālāt huā kartī hai
raushnī din kī siyah raat huā kartī hai
rañj aur ġham kī jo barsāt huā kartī hai
daulat-e-ishq kī ḳhairāt huā kartī hai
jab ḳhayāloñ meñ dabe paañv vo aa jaatā hai
vo mulāqāt mulāqāt huā kartī hai
us kī ḳhāmoshī bhī tūfāñ kā patā detī hai
us kī har baat meñ ik baat huā kartī hai
jis pe rishtoñ ke nibhāne kī ho zimmedārī
us ke hisse meñ faqat maat huā kartī hai
ye bhī hotā hai mohabbat meñ suḳhan kā andāz
lab nahīñ khulte magar baat huā kartī hai
jaltā rahtā hai charāġhoñ meñ rifāqat kā lahū
hijr kī raat bhī kyā raat huā kartī hai
din kī bechainiyāñ rātoñ kī taḌap be-ḳhvābī
us kī chāhat kī ye sauġhāt huā kartī hai
tez jab gardish-e-haalat hua karti hai
raushni din ki siyah raat hua karti hai
ranj aur gham ki jo barsat hua karti hai
daulat-e-ishq ki KHairaat hua karti hai
jab KHayalon mein dabe panw wo aa jata hai
wo mulaqat mulaqat hua karti hai
us ki KHamoshi bhi tufan ka pata deti hai
us ki har baat mein ek baat hua karti hai
jis pe rishton ke nibhane ki ho zimmedari
us ke hisse mein faqat mat hua karti hai
ye bhi hota hai mohabbat mein suKHan ka andaz
lab nahin khulte magar baat hua karti hai
jalta rahta hai charaghon mein rifaqat ka lahu
hijr ki raat bhi kya raat hua karti hai
din ki bechainiyan raaton ki taDap be-KHwabi
us ki chahat ki ye saughat hua karti hai
- Book : Kirchiyan Dard Ki (Pg. 88)
- Author : Dr. Meena Naqvi
- Publication : Aiwan-e-Adab Publishers, Delhi-6 (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
